( သမ္မာတရားနှင့်အညီ တုန့်ပြန်အသက်ရှင်ခြင်း )

 တရားနှင့်ဘုရားသည် လွန်စွာခြားနားပါသည်။ တရားကိုလူအများနှစ်သက်ကြသည်။ လူအများ နားလည်၍ကျင့်ကြံလိုက် လျှောက်ကြသည်။ တရား၏အကျိုးကိုလည်း လက်တွေ့ခံစားရကြပါသည်။ သို့သော်တရားသက်သက်နှင့်သာ အ သက်ရှင်ပြီး ဘုရားကိုအားကိုး
ဖက်တွယ်ခြင်းမ ရှိပါက စိတ်ဒုက္ခအမျိုးမျိုးနှင့် ပိလေးမှုများမှသက် သာရာရမည္မဟုတ္ပါ။ ဘုရားဟူသည္မွာ အ သက်ရှင်သော သူတစ်ဦး တစ်ယောက်မျှမရှိငြား လည်း ဘုရးရှင်ကိုအားကိုးခိုလှုံ၍ အသက်ရှင်မည်
ဆိုပါက အသက်တာတွင်ကြုံ တွေ့ရသောပြဿနာအခက်အခဲအမျိုးမျိုး
တို့တွင် ကိုယ်တော်ရှင်၏စောင့်ထိန်း ကွယ်ကာပို့ဆောင်ခြင်း သက်သေနှင့်ငြိမ်သက်မှုကို လက်တွေ့ခံစားရပေမည်။ 

ကိုယ်တော်၏အလိုတော် ဘုရားရှင်သည် ခေတ်ကာလအဆက်ဆက်
အသက်ရှင်၍ လူကိုမစကူညီနိုင်သော ပုဂ္ဂိုလ်တော်မြတ်ဖြစ်သည်။ လူအပေါင်းတို့သည် ကယ်တင်ခြင်းသို့ရောက်၍ သမ္မာတရားကိုသိဖို့ ဘုရားရှင်အလိုတော်ရှိပါသည်(၁တိ၊ ၂း၄)။ကယ်တင်ခြင်း ဟုဆိုရာတွင် ဝဋ်ကြွေးကံပိ၍ တမလွန်အရေးအတွက်စိတ်မအေးဖြစ်နေခြင်းမှ ကျေးဇူးတော်အားဖြင့်ကယ်တင်ခြင်းရဖို့ ဦးစွာလိုအပ်ကြောင်း ပြောနေခြင်းဖြစ်သည်။ ကျေးဇူးတော်အားဖြင့် ကယ်တင်ခြင်းကျေးဇူးကိုခံစားနိုင်ဖို့ရန် သမ္မာတရားသိဖို့ 
လိုအပ်ပြန်ပါသည်။ 

စားဝတ် နေရေး၊ ပညာရေး၊ စီးပွါးရေးနှင့်လူမှုရေးသာမက သားရေးသမီးရေးကိစ္စများ၌လူသားတို့အတွက် နေ့စဉ်ပိလေးမှု
အမျိုးမျိုးမှလွတ် နိုင်သည့် တစ်ခုတည်းသောနည်းလမ်းမှာ
သမ္မာတရားကိုသိ၍ သမ္မာတရားနှင့်အညီ သစ္စာရှိစွာတုန့်ပြန်
အသက်ရှင်ခြင်းမှလွဲ၍ အခြားမရှိပါ။

ကိုယ်ဉာဏ်ကိုအမှီမပြုနှင့် လောက၏ဖိစီးမှုအမျိုးမျိုးမှလွတ်ဖို့ရန် လောကသားများသည် အာရုံငါးပါးကိုအခြေထား၍ မိမိဉာဏ်ကို
အမှီပြုကာ အသက်ရှင်ကြသည်။ ထိုနည်းလမ်းသည် မှန်သယောင်
ရှိသော်လည်း သမ္မာတရားနှင့် ဆန့်ကျင်ဘက်ဖြစ်သည်။ ဘုရားရှင်၏
အလိုတော်မှာ စကားတော်ကို ဓမ္မအာရုံနှင့်နားထောင်၍ နာခံလုပ်သော
သူဖြစ်၍ ဘုရားသခင်ထံမှ လက်တွေ့အကျိုးရလဒ် 
သက်သေကို ခံစားနိုင်ပါသည်။

အာဗြဟံ၏ အသက်တာကို ကျွန်ုပ်တို့ကြည့်မည်ဆိုပါက သူ၏ဇနီး
စာရာအားဖြင့် သားကိုရဖို့ရန် ဘုရားရှင်ကတိ ရှိသော်လည်းအချိန်
မစောင့်နိုင်ဘဲ ကျွန်ုပ်မကိုယူသောကြောင့် သားဣရှမေလကို 
ရကြောင်းတွေ့ရသည်။ သမ္မာတရားတည်းဟူ သော ဘုရားစကားကို
ပယ်၍ ကိုယ့်ဉာဏ်ကိုအမှီပြုသဖြင့် အခြေအနေမှာ အဆင်ပြေသယောင်ရှိသော်လည်း ကျွန်မနှင့် ရသေား 
သားအတွက် ကြာမြင့်စွာစိတ်သောက
ရောက်ရကြောင်း တွေ့မြင်ရပါသည်။ 

သမၼာတရား အမှန်တရားနှင့်သမ္မာတရားသည် တူညီဟန်
ရှိသော်လည်း များစွာခြားနားပါသည်။ အမှန်တရားကအပြစ်ပေးနှင့်အ အလျောက်တူညီသည့် တုန့်ပြန်မှုကိုပေးဆပ်ရပါသည်။
သမ္မာတရားမူကား မတရားပြုခံရလျှင်ပင် ဘုရားကိုနာခံသော
သဘောနှင့် မေတ္တာထား၍ ခွင့်လွတ်သည်။

သမ္မာတရားသည် ဘုရား၏စကားတော်ဖြစ်၍ လက်တွေ့
နာခံတုန့်ပြန်ပါက သက်သေတွေ့မြင် ခံစားရသည်။ သမ္မာတရားကို
ကြား၍ လက်တွေ့နာခံသူသည် ငွေကြေးဓနကြွယ်ဝမှုမရှိသော်လည်း ဝလင်စွာစားရသည်။ ဘေးအန္တ ရာယ်ရှိသမျှကို ကြောက်စရာမလိုဘဲ ဘုရားသခင်၏ကွယ်ကာမှုအောက်တွင် လုံခြုံစွာနေရသည်။ 
၎င်းအပြင် လူဆိုးတို့အကြောင်း ကြောင့်စိတ်မပူဖို့ရန် မတရးပြုသောသူတို့ကိုမငြူစူမိရန် လူဆိုးတို့၏ နှောင့်ယှက်
မှုကြောင့် စိတ်ပူပန်စိုးရိမ်မိမှဖြစ်သလို မတရားပြုသော 
သူများကိုတွေ့မိပါကလည်း ငြူစူမိမည်မှ
ဓမ္မာတရား ဖြစ်ပေသည်။ 

သို့သော်ဘုရားရှင်၏ အလိုတော်ကထိုသို့မတုန့်ပြန်ဘဲ မည်သည့် 
အမှုကိစ္စ၌မဆို ဘုရားရှင်ထံအပ်နှံကိုးစားမည်ဆိုပါက ကိုယ်တော်တိုင်စီရင်မည်ဖြစ်ပေသည်။ ပြောင်းလဲခြင်းမရှိ ပတ်ဝန်းကျင်အခြေအနေသည် အစဉ်ပြောင်းလဲနေသော်လည်း သမ္မာတရားသည်ပြောင်းလဲခြင်းမရှိပါ။ သမ္မာတရးကို စိတ်နှလုံး၌သိုထား၍လက်တွေ့တုန့်ပြန်အသက်ရှင်ကြသူများကို သမ္မာကျမ်းစားတော်မြတ်တွင်သက်သေအနေနှင့်တွေ့နိုင်ပါသည်။ 
ယောသပ်၊ ဂိဒေါင်နှင့် ဒါဝိဒ်တို့သည် သမ္မာတရားကို သိရုံသာမက၊ သမ္မာတရားနှင့်အညီ လက်တွေ့အသက်ရှင်ခဲ့ကြသူများဖြစ်သည်။ 

မိမိတို့အပေါ်၌မတရားပြုသောသူများ၊ ပြစ်တင်ဝေဖန်သူများ၊ 
ရန်ဖက်ပြုသူများကို ဇာတိနှင့်မတုန့်ပြန်ဘဲ သည်းခံခွင့်လွတ၍ ဘုရားရှင်၏တုန့်ပြန်မှုကို အသီးသီးစောင့်စားခဲ့ကြသည်။ 
သို့အတွက်ကြောင့် ဘုရားရှင်၏ချီးမြှောက်မှုကို ‚င်းအသီးသီးခံစားခဲ့ရကြောင်းတွေ့ရသည်။ ထိုနည်းတူ 
ကျွန်ုပ်တို့တစ်ဦး ချင်းစီသည်လည်း မိမိတို့အပေါ်မတရား
ပြုကြသူများ၊ မဟုတ်မတရားဝေဖန်ကဲ့ရဲ့ပြစ်တင်ကြသူများကြောင့် သမ္မာတရားကိုဘေးဖယ် ထားပြီး ဇာတိသဘောဖြင့် တုန့်ပြန်မိခြင်း
မရှိရန် ဦးစွာသတိပြုပြီးမှ သမ္မာတရားနှင့်အညီ ဘုရားရှင်

လက်ဝယ်တွင် ထိုအမှုများကို အပ်နှံမည်ဆိုပါက နှုတ်ကပတ်တော်၏ပြည့်စုံခြင်းသက်သေကို လက်တွေ့ခံစားရပြီး ပြဿနာများအကြားတွင်ဝမ်းမြောက်ခြင်းရှိ နိုင်မည်ဖြစ်ကြောင်း မေတ္တာနှင့်အသိပေးဝေငှလိုက်ရပါသည်။
Dr.တင်မောင်ထွန်း-တရားဒေသနာ

အနာရှိလျှင် ဆေးရှိသည်

တခါကဖါရိရှဲ ရှိမုန်သည်၊ ယေရှုဘုရားကို ခေါ်ပင့်၍စားပွဲ၌ လျောင်းတော်မူ၏။ ထိုစားပွဲ၌ လျောက်တော်မူသည်ကို ထိုမြို့၌ ဆိုးသော မိန်းမ တယောက်သည် သိလျှင်၊ ဆီမွှေး၊ ကျောက်ဖြူ ခွက် တလုံးကို ယူခဲ့၍၊ နောက်တော်၌ခြေတော် အနီးမှာရပ်လျက် ငိုကြွေးလေ၏။ ခြေတော်ပေါ်သို့ မျက်ရည်ကျလျှင်၊ 
မိမိဆံပင်နှင့် သုတ်လေ၏။ ခြေတော်ကိုလည်း နမ်း၍ 
ဆီမွှေးနှင့် လိမ်းလေ၏။ 

 ချစ်သောဓမ္မမိတ်ဆွေ၊ ဤဆိုးသော မိန်းမ၌၊ အဘယ်မည်သောရောဂါရှိ၍နာကြင်လျက်၊ ငို ကြွေးပါသနည်း။ 
ထိုမိန်းမကို၊ မြင်သော ဖါရိရှဲသည်၊ သူမ၏အနာရောဂါကို သိပါသလား။ 
ကိုယ်တော် ကိုခေါ်ပင့်သော ဖါရိရှဲ ရှိမုန်သည်၊ ဤအဖြစ်အပျက်ကိုမြင်သော
အခါ၊ ကိုယ်တော်သည် ပရောဖက် မှန်လျှင်ခြေတော်ကိုကိုင်သော 
ဤမိန်မသည်၊ အဘယ်သို့ သောသူဖြစ်သည်ကို၊ သိလိမ့်မည်။ 
ဤမိန်းမသည်၊ ဆိုးသောသူဖြစ်၏ဟု ထင်မှတ်၏။ မှန်ပါသည်၊ ဖါရိရှဲ 
ရှိမုန်၏ ခန့်မှန်းချက်အတိုင်း၊ ထိုမိန်းမသည်၊ ပြည့်တန်ဆာမ၊ 
မိန်းမဆိုးဖြစ်ပါသည်။ သို့သော်၊ သူ့အနာ၊ သူ့ဝေဒနာကို ရှိမုန်မသိခဲ့ပါ။ 
ထိုမိန်းမ၏ လိုအပ်သောအရာ၊ သူမ၏ ရောဂါဝေဒနာကို ရှိမုန် မသိခဲ့ပါ။

 သို့သော်ကိုယ်တော်သည် ထိုဆိုးသော မိန်းမ၏ အနာရောဂါကို ကောင်းစွာသိလေသည်။ ထိုမိန်းမသည်၊ ခန္ဓာကို ရောင်းပြီး၊ အသက်မွေး
သည်မှာ ကြာကောင်းကြာပေလိမ့်မည်။ ငွေကြေးဥစ္စာ လည်းရှိကောင်း
ရှိလိမ့်မည်။ ဆီမွှေးကျောက်ဖြူခွက်တလုံးဆိုသည်မှာ ဒေနာရိ အပြား
သုံးရာကျော် ဖြင့်သာဝယ် နိူင်သော အရာဖြစ်ပါသည်။ ထိုခေတ်ထိုအခါက ဒေနာရိတပြားသည်၊ တရက်လုပ်မှ ရရှိသော လုပ်အားခဖြစ်ပါသည်။ 
သို့ဖြစ်လျှင် ထိုဆီမွှေး ကျောက်ဖြူခွက်တလုံးသည်၊ တနှစ်ပတ်လုံး၊ လုပ်မှရနိုင်သောငွေကြေးဖြစ်ပါသည်။ ထိုဆိုးသောမိန်းမသည်၊ 
ထိုဆီမွှေးကို ၀ယ်နိုင်ခြင်းမှာ၊ ငွေကြေးရှိသော၊ ချမ်းသာသော 
မိန်းမဖြစ်ကြောင်း ထင်ရှားပါသည်။ တနည်းအားဖြင့်စားနိုင်၊ သောက်နိုင်သောမိန်းမဖြစ်ပေလိမ့်မည်။ 

သို့သော်၊ လူသူမသိသောရောဂါသည် သူနှလုံးသားထဲမှာ၊ အသဲခိုက်အောင် နာကြင်လျက်၊ မျက်ရည်ကျသည့်အထိ ဖြစ်စေပါသည်။ ထိုအနာသည် 
အပြစ်၏ အနာဖြစ်ကြေင်း ကိုယ်တော်က၊ ကောင်းကောင်းသိလေသည်။ ထို့ကြေင့်ကိုယ်တော်က ထိုမိန်းမအား သင်သည် အပြစ်တို့နှင့် လွတ်လေပြီ
ဟု မိန့်တော်မူ၏။ သင်၏ယုံကြည်ခြင်းသည်၊ သင့်ကို ကယ်တင်ပြီ။ ငြိမ်းဝပ်စွာသွားလော့ဟု မိန့်တော်မူ၏ (လုကာ ၇း၃၆-၅၀)။ 
ချစ်သာဓမ္မမိတ်ဆွေ၊ သင်၌မည်သို့သော အနာရောဂါစွဲနေပါသနည်း။ 
သင့်ရောဂါ၊ သင့်ဝေဒနာကို၊ လူသူမသိအောင်ကွယ်ထားတာ
ရှိပါသလား။ ထိုဝေဒနာ အတွက်တယောက်တည်း 
ကြိတ်မှိတ်ပြီး ခံစားနေပါသလား။

လောက၊ ဒေါက်တာဆရာဝန်များက မသိနားမလည် သော်လည်း 
စိတ်မပျက်ပါနှင့်။ ဘုရားရှင်သည် မိတ်ဆွေ၏ လိုအပ်ချက်ကို အကြွင်းမဲ့သိတော်မူ၏။ ချစ်သော ဓမ္မမိတ်ဆွေများ၊ မိမိတို့အသက်တာမှာ၊ 
အလုပ်၊ လုပ်ကိုင်လျက်နှင့် စားဝတ်နေရေး အဆက်မပြေဘဲ၊ 
ခက်ခဲခြင်းပြဿနာနှင့် ကြုံ တွေ့နေပါသလား။ ထိုအရာအတွက် 
အနာသိလျှင်၊ ဆေးမရှိပါသည်။ ဣသရေလ လူမျိုးတို့သည် 
ဘုရားသခင်၏ စကားကိုနားမထောင်သောကြောင့် (586 B.C) မှာ 
ဗာဗုန်လုန်သို့ ကျွန် အဖြစ်သိမ်းပိုက့်ခင်းခံခဲ့ကြလေသည်။ 
ဣသရေလ လူတို့သည် နှစ်ပေါင်း (၇၀) ကြာပြီးမှ၊ ကျွန်ဘဝမှ 
လွတ်လာခဲ့ပါသည်။ 520 B.C ပတ်ဝန်းကျင်မှာ ပရောဖက်ဟဂ္ဂဲ 
ပေါ်ထွန်းပြီး၊ ဣသရေလ လူတိုပ၏ အားနည်းချက်အပြစ်များကို ဖေါ်ထုတ်လေသည်။ (whose name means my feast) ဖြစ်လေသည်။ ဟဂ္ဂဲနာမည်၏ အဓိပ္ပါယ်မှာ၊ စားသောက်ပွဲကြီးဟုဆိုလိုပါသည်။ 

ပရောဖက် ဟဂ္ဂဲသည် ဗာဗုန်လုန်သို့ သိမ်းသွားခြင်းကိုခံပြိးနောက် ခါနာန်ပြည်သို့ပြန်ရောက်လာသော ဣသရေ လ လူတို့ကို စောပြောနေခြင်းဖြစ်လေသည်။ သူအဓိက ဟောပြောရသည့် 
အကြောင်းရင်းမှာ၊ ဣသရေလ လူတို့သည်၊ ဦးစားပေးလုပ်ဆောင်ရမည်ကို မလုပ်ဘဲ၊ မိမိတို့ကိုယ်ကျိုးကိုသာ ဦးစားပေးလုပ်ဆောင်နေခဲ့ခြင်းများကို သတိပေးဟောပြောခဲ့သည်။ ဣသရေလ လူတို့သည်၊ ထာဝရဘုရား
အိမ်တော်ကို သီးစားပေးလုပ်ရမည့် အစား၊ မိမိတို့နေအိမ်များအတွက်၊ ဆောက်လုပ်ခြင်း၌သာ အချိန်ကုန်နေခဲ့သည်ကို၊ အမှားထောက်ပြ၍၊ ဆုံးမခဲ့ခြင်းဖြစ်လေသည်။ ဤသို့ဦးစားပေး၊ မှားယွင်းခြင်းကြောင့် 
ဖြစ်လာသော အကျိုးဆက်များ၊ တနည်းအားဖြင့်၊ သူတို့၏အနာရောဂါ
များကို၊ ပရောဖက်ဟဂ္ဂဲ သည် မီးမောင်းထိုးပြခဲ့လေသည်။ 

ယခုမှာ၊ ကောင်းကင်ဗိုလ်ခြေ အရှင်ထာဝရဘုရားမိန့်တော်မူသည်ကား၊ ကိုယ်ကျင့်တို့ကို ဆင်ခြင်ကြလော့။ သူတို့သည် များစွာကြဲသော်လည်း  အသီးအနှံနည်းပါးရ၏။ စားရသော်လည်း၀စွာမစားရ။ သောက်ရသော်လည်း  ၀စွာမသောက်ရကြ။ အဝတ်ကို ဝတ်ရသော်လည်း နွေးစွာမဝတ်ရကြ။ 
အလုပ်၊ လုပ်၍အခရသော်လည်း မလုံသောအိတ်ထဲမှယ 
သိူ ထားရကြ၏ ( ဟဂ္ဂဲ ၁း ၅-၆)။ (တနည်းအားဖြင့် အိတ်ပေါက်နှင့် 
ဖါးကောက်သကဲ့သို့ဖြစ်၏)။ ချစ်သော ဓမ္မမိတ်ဆွေများ၊ 
“အခနာသိလျှင်ဆေးရှိ၏” ဟူသောစကားအတိုင်း၊ ဣသရေလ 
လူတို့၏ အားနည်းချက်ကို၊ ဟဂ္ဂဲသည် ဘုရားသခင်
ဖွင့်ပြသောကြောင့်၊ ကောင်းမွန်စွာဖေါ် ထုတ်ခဲ့ လေသည်။ 

ထို့ အပြစ်ရောဂါကြောင့် ဣသရေလ လူတို့သည်၊ ဘုရားသခင်၏ ကျိန်ခြင်း အမင်္ဂလာကို၊ ခံစာရလေသည်။ ထို့ကြောင့်သူတို့ အပေါ်မှာ၊မိုးခွေင်းသဖြင့်၊ နှင်းမကျရ။ မြေသည်လည်း အသီးအနှံကို မပေးရ။ မြေပေါ်၌ ၎င်း၊ တောင်ပေါ်၌၎င်း၊ ဆန်စပါး၊ ချိုသောစပျက်ရည်၊ ဆီအပေါ်၌၎င်း၊ မြေထဲကထွက်သမျှ အပေါ်၌၎င်း၊ လူသတ္တဝါ တရိစ္ဆာန်အပေါ်၌၎င်း၊ လုပ်ဆောင်သမျှအပေါ်၌၎င်း၊ သွေ့ခြောက်ခြင်းဘေး ကိုငါမှာလိုက်လေပြီဟု မိန့်တော်မူ၏ (ဟဂ္ဂဲ ၁း၁၀-၁၁)။ ချစ်သောဓမ္မမိတ်ဆွေ၊ သင်သည်လည်း၊ 
အလုပ်၊ လုပ်လျက်နှင့်စားဝတ်နေရေး ခက်ခဲနေပါ သလား။

ရသမျှလုပ်ခများ၊ အသုံးမခံဘဲ ဖြစ်နေပါသလား။ သင်တို့သည် 
များစွာရမည်ဟု မြော်လင့်စော်လည်း၊ ရသောဥစ္စာခေါင်းပါးရ၏။ အိမ်သို့ရောက်သောအခါငါမှုတိလိုက်၏။ အဘယ်ကြောင့်နည်းဟု၊ ကောင်းကင်ဗိုလ်ခြေအရှင်ထာ)ရမေးတော်မူ၏။ ငါ့အိမ်သည် ပျက်လျက်
ရှိသော ကြောင့်၎င်း၊ အသီးအသီးမိမိတို့အိမ်သို့ ပြေးသောကြောင့်၎င်း
ဖြစ်သတည်း။ ချစ်သောဓမ္မမိတ်ဆွေ၊ ဓမ္မဟောင်းကာလတွင် ထာဝရဘုရားသခင်သည်၊ ဗိမာန်တော်၌ ကျိန်းဝပ်တော်မူ၏။ 

ထို့ကြောင့်ဘုရားသခင်ကျိန်းဝပ်ရာ၊ ဗိမာန်ပျက်စီးသောအခါ၊ လူမှုရေး၊ 
စီးပွားရေး၊ ကျန်းမာရေး၊ သဘာဝ၊ ရာသီဥသုတိုင်အောင်ဖေါက်ပြန် 
လျက်ရှိ၏။ သို့သော်ယခုဓမ္မသစ်ကာလတွင်၊ ဘုရားသခင်သည် ဗိမာန်တော်၌အမြဲမနေ။ ယေရှုခရစ် အသေခံ သောနေ့တွင်၊ 
ယေရုစလင်မြို့ရှိ၊ ဗိမာန်တော်၏ ကုလားကာသည် အထက်စွန်းမှ အောက်စွန်းတိုင်အောင် စုတ်ကွဲလေ၏ (မဿဲ ၂၇း၅၁)။ 

ထိုအချိန်မှစ၍၊ ယနေ့တိုင်အောင်၊ ဘုရားသခင်သည်။ လူလက်နှင့် လုပ်သောဗိမာန်၍ ကျိန်ဝပ်တော်မူသည်မဟုတ်။ လောကဓါတ်မှစ၍၊ လောကဓါတ်၍ရှိလေသမျှသော အရာတို့ကို ဖန်ဆင်းတော်မူသော ဘုရားသခင်သည်၊ ကောင်းကင်နှင့် မြေကြီးကို အစိုးရတော်မူသော 
အရှင်ဖြစ်၍၊ လူတို့လက်ဖြင့် လုပ်သော ဗိမာန်၌ ကျိန်းဝပ်
တော်မူသည်မဟုတ် (တ ၁၇း၂၄)။ 

ထို့ကြောင့်ယခု အချိန်မှာ လူလက်နှင့်လုပ်သော ဗိမာန်ပျက်စီးရုံနှင့်၊ 
မိမိတို့ အသက်တာ၌ အထက်ပါကျိန်ခြင်း မျိုးခံစားရမည်မဟုတ်။ 
ယနေ့အချိန်မှာ၊ သန့်ရှင်း သောဝိညာဉ်တော်၏ ဗိမာန်တော်နှင့်
ဘုရားသခင်၏ ဗိမာန်တော်ဟူ၍၊ နှစ်မျိုးရှိလေသည်။ 
“ သင်တို့ကိုယ်ခန္ဓာသည် ဘုရားသခင်ပေးသနားတော်မူသော၊ ဝိညာဉ်တော်တည်းဟူသော သင်တို့အထဲ၌၊ ကျိန်းဝပ်၍ သန့်ရှင်းသောဝိညာဉ်တော်၏၊ ဗိမာန်ဖြစ်ကြောင်းကို၎င်း၊ 
မိမိတို့ကို၊ မိမိတို့မပိုင်ကြောင်းကို၎င်း မသိကြသလော” 
(၁ကော ၆း၁၉-၂၀)။ 

ထိုပကြောင့် သန့်ရှင်းသော ဝိညာဉ်တော်၏ ဗိမာန်ဖြစ်သော 
ကိုယ်ခန္ဓာသည်၊ မတရားသောမေထုန်မှီဝဲပြီး၊ ပြည့်တန်ဆာ၏ 
အင်္ဂါ မဖြစ်စေအပ်။ အဘယ်ကြောင့်ဆိုသော် ငါတို့ ကိုယ်ခန္ဓာသည် 
ခရစ်တော်၏ အင်္ဂါဖြစ်၏ (၁ကော ၆း၁၅)။ သို့ဖြစ်၍၊ ကိုယ်ခန္ဓာကို ဖျက်ဆီးခြင်းသည် သန့်ရှင်းသောဝိညာဉ်တော်၏ ဗိမာန်ကို ဖျက်ဆီးရာ
ရောက်၏။ ချစ်သောဓမ္မမိတ်ဆွေ၊ သင်သည်၊ အရက်၊ဆေးလိပ်၊ ကွမ်းယာ၊ မူးယစ်ဆေးဝါး တခုခုအားဖြင့် သန့်ရှင်းသောဝိညာဉ်တော်၏ 
ဗိမာန်တည်းဟူသော မိမိကိုယ်ခန္ဓာကို ဖျက်ဆီးနေပါသလား။ 

ထိုသို့ဖျက်ဆီးလျှင် ဘုရားသခင်၏ ကျိန်ခြင်းကို ခံရသည် သာမက၊ လုပ်လေရာရာမှာ၊ အောင်မြင်ခြင်းမရှိဘဲ၊ ဆုံးရှုံးနေ သူဖြစ်ပေ လိမ့်မည်။ နောက်တဖန်၊သင်တို့သည်၊ ဘုရား သခင်၏ ဗိမာန်တော်ဖြစ်ကြသည်ကို၎င်း၊ 
ဘုရား သခင်၏ ဝိညာဉ်တော်သည်၊ သင်တို့အထဲ၌ ကျိန်းဝပ်တော်
မူသည်ကို၎င်း မသ်ကြသလော။ အကြင်သူသည်၊ ဘုရားသခင်၏ 
ဗိမာန်တော်ကို ဖျက်ဆီး၏။ ထိုသူကို ဘုရားသခင်ဖျက်ဆီး
တော်မူလိမ့်မည်။ ဘုရားသခင်၏ ဗိမာန်တော်သည်၊သန့်ရှင်းရ၏။ 

သင်တို့သည် လည်း၊ ထိုဗိမာန်တော်ဖြစ်ကြ၏ (၁ကော ၃း၁၆-၁၇)။ ဘုရားသခင်၏ဗိမာန်တော်နှင့် သန့်ရှင်းသော ဝိညာဉ်တော်၏ ဗိမာန်သည် ကွာခြားပါသည်။ သန့်ရှင်းသော ဝိညာဉ်တော်၏ဗိမာန်သည်၊ယုံကြည်သူ
တဦးစီ၏ ကိုယ်ခန္ဓာဖြစ်ပြီး၊ ဘုရားသခင်၏ ဗိမာန်တာ်သည်၊ယုံကြည်သူ 
လူစုကို ဆိုလိုပါသည်။ ထို့ကြောင့်ခရစ်တော်ယေရှုက ဤသို့ 
မိန့်ဆိုခဲ့လေသည်။ အကြောင်းမူကား၊ အကြင်အရပ်၌ လူနှစ်ဦးတို့သည် ငါ၏နာမကိုထောက်၍ စည်းဝေးကြ၏။ ထိုအရပ်၌ သူတို့အလယ်မှာ ငါရှိသည်ဟုမိန့်တော်မူ၏ (မဿဲ ၁၈း၂၀)။ သို့ဖြစ်၍ဘုရားသခင် 
ကျိန်းဝပ်ရာ ဗိမာန်သည် ယုံကြည်လျှင်စုကို ဆိုလို၏။ 
ထိုကြောင့် ယုံကြည်သူလူစုထဲမှာ မပါလျှင်၊ ဘုရားသခင်၏ 
ဗိမာန်တော်ကို ဖျက်ဆီးရာရောက်၏။ 

ထို့ကြောင့် ယုံကြည်သူလူစုနှင့် အတူအမြဲစည်းဝေးရပါမည် (ဟေဗြဲ ၁၀း၂၄-၂၅) ယုံကြည်သူလူစုသည် ဘုရားသခင် ဗိမာန်ဖြစ်သောကြောင့်၊ ထိုလူစုကို ပျက်ပြားအောင် လုပ်ခြင်း၊ အစည်းအဝေး၊ ဖျက်လိုဖျက်ဆီးလုပ်သူများ၊ ဘုရားသခင်၏ ဖျက်ဆီးခြင်းကိုခံရမည် ၉၁ဆကာ ၃း၁၇)။ 
ချစ်သောဓမ္မ မိတ်ဆွေ၊ ယခုကဲ့သို့၊ အလုပ်ကိုပင်ပန်းကြီးစွာ 
လုပ်ဆောင်လျက်နှင့် မလောက်မင ဖြစ်နေရခြင်း အကြောင်းရင်း၊ 
(ဝါ) မိမိ၏ အားနည်း ချက်၊ အပြစ်ရောဂါ ကိုတွေပြီလား။ 
အနာသိပြီဆိုလျှင် ဆေးဧကန်အမှန်ရှိ၏။ တချိန်ကဗိမာန်တော် ပျက်စီးသောကြောင့်၊ ကျိန်ခြင်းခံရသော ဣသရေလ လူမျိုး
များအတွက် ပရောဖက် ဟဂ္ဂဲ၊ အနေဖြင့်
ကုသရမည့်ဆေးပေးခဲ့လေသည်။ 

ထိုဆေးမှာအခြားမဟုတ်။ ပျက်စီးနေသော ဗိမာန်ကိုပြန်လည် တည်ဆောက်ဘို့ဖြစ်လေသည်။ ထိုဗိမာန်ကို ပြန်ဆောက်သည့်နေ့မှစ၍၊ ရှေ့ကိုမျော်ကြည့်ဆင်ကြပါလော။ ဆင်ခြင်ရမည့် အကြောင်းအရာဟူမူကား စပါးကျီ၌ စပါးရှိသလော။ မရှိ၊ စပျစ်ပင်၊ သင်္ဘောပင်၊ သဖန်းပင်၊ သလဲပင်၊ သံလွင်ပင်ကို ငါကောင်းကြီးပေးမည်ဟုမိန့်တော်မူ၏ (ဟဂ္ဂဲ ၂း၁၈-၁၉)။ ထို့အတူ ယနေ့တွင် ကျွန်ုပ်တို့သည်လည်း၊ သန့်ရှင်းသော ဝိညာဉ်တော်၏ ဗိမာန်တော်နှင့် ဘုရားသခင်၏ ဗိမာန်ကိုပြန်လည်တည်ဆောက်မှသာ လျှင်၊ ယနေ့ပြိုပျက်၊ ပျက်စီးနေသော၊ လူမှုရေး၊ စီပွားရေး၊ အိမ်ထောင်ရေး၊ စားဝတ်နေရေးများ့ပန်လည်နာလံထူနိုင်ပေလိမ့်မည်။ 

ချစ်သောဓမ္မမိတ်ဆွေ၊ သင်၏အလုပ်အကိုင်၊ သင်၏ကျန်းမာရေး၊ 
သင်၏စား ဝတ်နေရေး၊ ပြေလည်လိုပါသလား၊ ယခုအနာနှင့်ဆေးကို နှုတ်ကပတ်တော်အားဖြင့် သိခဲ့ရပြီ။ သန့်ရှင်းသော ဝိညာဉ်တော်၏ 
ဗိမာန်ဖြစ်သော ကိုယ်ခန္ဓာကို၊ အရက်၊ မူးယစ်ဆေးဝါး၊ ဆေးလိပ်၊ ကွမ်းယာနှင့်ဖျက်ဆီးနေပါက၊ ထိုအရာများကို စွန့်ပစ်ပါ၊ စွန့်ပစ်ချင်သော 
ဆန္ဒနှင့် ခွန်အားကို ဘုရားသခင်ပေးတော်မူလိမ့်မည် (ဖိ ၂း၁၃)။ 

ထို့အတူဘုရားသခင်ဗိမာန်တော်ဖြစ်သော ယုံကြည်သူ လူစုထဲမှာ၊မပါလျှင်၊ 
ယနေ့ မှစ၍ပါဝင်ပါ။ တမန်တော်တို့၏ ဆုံးမဩဝါဒကိုခံခြင်း၊ ဆုတောင်းပဌနာပြုခြင်း၊ မုန့်ဖဲ့ခြင်း၊ မိတ်ဿဟာယဖွဲ့ခြင်းကို ယနေ့ပင်
အစပြုပါ၊ သို့ပြုလျှင်ရှေ ့ကို မျှော်ကြည်ဆင်ခြင်ပါ။ ဘာမျှမရှိသော
အခြေအနေမှ၊ ဘုရားရှင်၏ ဂတိတော်နှင့် အညီကောင်းကြီး မင်္ဂလာကို ဧကန်မုချခံစားပါလိမ့်မည်။ ဘုရား သခင်သည်၊ မိတ်ဆွေ၏၊ အတွင်းထဲမှာ
ရှိသော အနာရောဂါကို သိတော်မူ၏။ အရှင်ယေရှုသည် ဆိုးသော
အမျိုးသမီး၏ အပြစ်ရောဂါကို၍ကူသပေးခဲ့သည့်နည်းတူ၊ မိတ်ဆွေရောဂါ ကိုလည်းကူသပေးချင်ပါ၏။ မိမိရောဂါ၊ မိမိအားနည်းချက်ကို 
သိပြီဆိုလျှင်၊ ငါတို့၏ အနာငြိမ်းစေသူ၊ အရှင်ယေရှုထံအပါနှံပါ။ 
အရှင်ယေရှုသည်၊ ကူသပေးပါလိမ့်မည်။ ငါသည်သင်တို့၏ ရောဂါကို 
ငြိမ်းစေသော ထာဝရဘုရားဖြစ်၏ (ထွက် ၁၅း၂၆)။ ဤဆောင်းပါးကိုဖတ်ရှုသူတိာင်း အနာကိုသိ၍ 
နှုတ်ကပတ်တော်ဆေးအားဖြင့်၎င်း၊ ထာဝရဘုရား၏
တန်ခိုးတော်အားဖြင့်၎င်း၊ အနာရောဂါငြိမ်းနိုင်ကြပါစေ။
 Rev. Dr. ပေါလ်ခေကျိုင်း(ရွှေခါနန်)

(THE FOUR GOSPELS) သိတင်းကောင်း ၄ မျိုး

 Gospel ဟူသော အင်္ဂလိပ်စကားသည် သိတင်းကောင်း(သို့)ဧဝံဂေလိတရားကို ဆိုလိုခြင်းဖြစ်သည်။ စကားလုံးကွဲပြားသော်လည်း အသုံးပြုခြင်းနှင့် ဆက်စပ်မှုသည် 
တစ်ခုနှင့် တစ်ခုညီညွတ်မှုရှိသည်။ 
ထို့ကြောင့် ဧဝံဂေလိတရားလေးပါးရှိသည်။  
၎င်းတို့မှာ – (၁) နိုင်ငံတော်နှင့်ယှဉ်သော ဧဝံဂေလိတရား 
(၂) ကျေးဇူးတော်နှင့်ယှဉ်သော ဧဝံဂေလိတရား 
(၃) ဘုန်းအသရေနှင့် ပြည့်စုံသော ဧဝံဂေလိတရား 
(၄) ထာဝရဧဝံဂေလိတရား ဟူ၍ လေးမျိုးရှိလေသည်။

၁။ နိုင်ငံတော်နှင့်ယှဉ်သော ဧဝံဂေလိတရား (မ ၂၄း၁၄) 
ဤ ဧဝံဂေလိတရားသည် ယုဒလူမျိုး(ဂျူး)များအတွက် 
ဝမ်းမြောက်ဘွယ်ရာ သိတင်းကောင်းတရားဖြစ် ပေသည်။ ထာဝရဘုရားသည် ဤကမ္ဘာလောကတွင် မျက်မြင်ရသော နိုင်ငံတော်တစ်ခုတည်ထောင်၍ အုပ်စိုး မည့်သူမှာ ဒါဝိဒ်မင်းအမျိုးအနွယ်မှဆင်းသက်လာသော 
ယေရှုခရစ်တော်အဖြစ် ရွေးချယ်
ခဲ့လေသည်။ (လု ၁း၃၂ -၃၃)။ 

သို့သော်လည်း ဣသရေလလူမျိုးများသည် မူလအစပိုင်း၌ လက်မခံခဲ့သောကြောင့်၊ နိုင်ငံတော်နှင့် ယှဉ် သော ဧဝံဂေလိ
တရားကို နှစ်ကြိမ်ဟောပြောရလိမ့်မည်။ ပထမအကြိမ်
ဤတရားကို နှစ်ခြင်းဆရာယောဟန်မှ အစပြုပြီး သခင်ယေရှုဘုရားကိုငြင်းပယ်သည့် 
အချိန်အထိဟောပြောခဲ့သည်။ 

ဒုတိယအကြိမ်ဟောကြားချိန် သည် 
အသင်းတော်ချီဆောင်ခြင်းခံပြီးနောက်၌ 
တဖန်ဟောကြားလိမ့်မည်။ အဘယ့်ကြောင့်ဆိုသော် “ကောင်းကင်နိုင်ငံတော်နှင့်ယှဉ်သော ဧဝံဂေလိတရားကို
လူမျိုးအပေါင်းတို့ အားသက်သေဖြစ်စေဘို့ရန်
မြေကြီးစွန်းတိုင်အောင် ဟောကြားရလိမ့်မည်။ 

သို့ပြီးမှ အဆုံးဖြစ်ရလိမ့်မည်”ဟု ကျမ်းစာလာသည်။ 
ဤတရားသည် ဒီနေ့ကျွန်တော်တို့ဟောပြောနေသော
တရားမဟုတ်ချေ။ ဤတရားသည် နိုင်ငံတော်နှင့်သာ သက်ဆိုင်ပြီး ၎င်းနိုင်ငံတော်လျင်မြန်စွာ တည်ထောင်လိမ့်မည့်အကြောင်းနှင့် 
ကောင်းကင် နိုင်ငံတော်အတွက် သက်သေခံခြင်းဖြစ်သည်။ အနာဂတ်ကာလတွင် ဧလိယသည်လည်း ဤတရားကို 
ဟော လိမ့်မည်။ (မာလ ၄း၅-၆) 

လူအများကို စေလွှတ်ပြီး ခရစ်တော်သည် ဒါဝိဒ်မင်းကြီး၏
ရာဇပလ္လင်ပေါ်၌ ထိုင်လိမ့် မည်ဟု ကမ္ဘာအရပ်ရပ်သို့ဟောကြားသက်သေခံသောအခါ ဂျူးလူမျိုးများအားလုံးသည် ပါလက်စတိုင်းသို့ပြန် 
လာကြလိမ့်မည်။

 ၂။ ကျေးဇူးတော်နှင့် ယှဉ်သော ဧဝံဂေလိတရား (တ ၂၀း၁၄) 
ဤတရားသည် လူတကာအားဝမ်းမြောက်စေသည့် သိတင်းကောင်းတရပ်ဖြစ်သည် ။ ခရစ်တော်သည် ယုဒလူများငြင်းပယ်ခြင်းခံခြင်းအားဖြင့် ကားတိုင်ပေါ်တွင် အားလုံးအတွက်အသေခံကာ ကယ်တင်ခြင်းအမှုကို 
ဆောင်ရွက်ပေးသော ဘုရားသခင်၏မဟာကျေးဇူးတော် ဧဝံဂေလိတရားဖြစ်သည်။ (ရော ၁း၁) ကယ်တင်ခြင်း 
ဆုကျေးဇူးသည် ခမည်းတော်ဘုရား၏မေတ္တာတော်ထဲမှ
စီးထွက်လာခြင်းဖြစ်သည်။ (ယော ၃း၆) ၎င်းအပြင် သူ၏ ကရုဏာမေတ္တာတော်ကြောင့် ရှင်ပြန်ထမြောက်
ခဲ့ခြင်းဖြစ်သည်။ (တ ၂း၂၄) 

အခြေခံအုတ်မြစ်သည် ခရစ် တော်ပင်ဖြစ်သည်။ (ရော ၁း၁၆၊ ၂ကော ၁၀း၁၄) ဤတရားသည် ဘုရားသခင်၏တန်ခိုးဖြစ်ပြီး ယုံကြည်သူ
အားလုံး အပြစ်မှကယ်တင်ပေးသော အရာဖြစ်သည်။ 
ဤအချင်းအရာသည် ဘုရားသခင်နှင့် သင့်မြတ်စေပြီး 
ငြိမ်း ချမ်းခြင်းရသော ဧဝံဂေလိတရားဖြစ်သည်။ 
အဘယ့်ကြောင့်ဆိုသော် အပြစ်ရှိသူ
တစ်ဦးနှင့် ဘုရားရှင် အကြား သင့်မြတ်စေကာ လူသားများချမ်းသာရရှိစေခြင်းဖြစ်သည်။ (ဧ ၆း၁၅)

 ၃။ ဘုန်းအသရေနှင့် ပြည့်စုံသော ဧဝံဂေလိတရား 
(၂ကော ၄း၄၊ ၁တိ ၁း၁၁) ဤဧဝံဂေလိတရားသည် 
ဘုရားသခင်၏ ဧဝံဂေလိတရားအစစ်အမှန်နှင့် 
အရင်းအမြစ်ဖြစ်လေသည်။ ဤအရာသည် ခရစ်တော်
ယေရှုဘုရား၏ ဘုန်းတန်ခိုးတော်ပြည့်ဝခြင်း၊ သူ့အားအမြင့်ဆုံးအဖြစ်ချီးမြင့်ခြင်းနှင့် သူ၏အခြွေအရံ
များနှင့်အတူ ဘုန်းတော်ထဲသို့ ဝင်စားခြင်းစသည် သိတင်းကောင်းတရားဖြစ်လေသည်။ (ဟေဗြဲ ၂း၁၀) 

ဤတရားသည် အဓိကအားဖြင့် ခရစ်တော်ယေရှုဘုရား ဒုတိယအကြိမ်ကြွလာခြင်းနှင့် ပတ်သက်သော တရားဖြစ်ပြီး၊ ခရစ်တော်ကြွလာမည်ကို မျှော်လင့်တောင့်တနေသူများအား နှစ်သိမ့်ခွန်အားပေးသည့် တရားဖြစ် လေသည်။ (တိ ၂း၁၃) စာတန်မာရ်နတ်သည် ဤလောက၏အစိုးရသော မင်းတစ်ပါး
ဖြစ်သဖြင့်၊ လူ၏နှလုံးသား ကိုထိမ်ဝှက်ပြီး၊ သမ္မာတရားကို
သိနားလည်ပြီး၊ မရှိစေရန် ဉာဏ်မျက်စိဘည်းကွယ်စေလေသည်။ ခရစ်တော်၏ ဘုန်းတန်ခိုးတော်ကိုလည်းမမြင်အောင် 
ကွယ်ထားလေသည်။ (၂ကော ၄း၃-၄) 

၄။ ထာဝရဧဝံဂေလိတရား (ဗျာ ၁၄း၆) ဤဧဝံဂေလိ
တရားသည် ဘေးဒဏ်ကာလ၌ ကောင်းကင်
တမန်တစ်ပါးက ဘုရားသခင်၏ အမျက်တော် ခွက်ဖလား
မသွန်းလောင်းမှီ ကောင်းကင်တမန်များကဟောကြားသည့်
တရားဖြစ်လေသည်။

 ဤတရားသည် ကောင်းကင်နိုင်ငံနှင့်ယှဉ်သော ကြောက်ရွံ့ရိုသေကိုင်းရှိုင်းရမည့်တရား၊ တနည်းအားဖြင့် ပညတ်တရားတစ်ပါး လည်းဖြစ်သည်။ အဘယ့်ကြောင့်ဆိုသော် ဘုန်းတော်နှင့်ပြည့်စုံသော ဘုရားဖြစ်သဖြင့် အပြစ်များကို စီရင်ပိုင် သောသူလည်းဖြစ်၍၊ ၎င်းတရားစီရင်ရာကာလရောက်လုပြီဟု သတိပေးသော တရားဖြစ်သည်။ 

သို့သော်လည်း တရားစီရင်ခြင်းသည် ယုဒလူမျိုးအတွက်ကောင်းသောလက္ခဏာတစ်ရပ်ဖြစ်သည်။ ၎င်းအပြင်မီးတည်းဟူသော ဒုက္ခဆင်းရဲထဲသို့ ဖြတ်သန်းနေသူ အတွက်သီတင်းကောင်းတစ်ရပ်ဖြစ်သည်။
ဤဘေးဒဏ်ကာလသည်အန္တိခရစ် နှင့် နောက်လိုက်
သားရဲများကို အဆုံးစီရင်ပြီးမှ သာလျှင်
 ဤလောကပြီးဆုံးရလိမ့်မည်။ 

ထို့ကြောင့် ဒီအချိန်မှာ ဟောကြားသည့် တရားသည် မယုံကြည်သူများအားစိတ်နှလုံးပြောင်းလဲဘို့ရန်ဟောသည့်
တရားမဟုတ်ချေ။ သို့သော်လည်း ခပ်သိမ်းသော 
အရာကိုဖန်ဆင်းရှင်နှင့် ထိုသခင်ကို 
ဝန်ခံရန်နှင့် ဘုန်းကြီးသောဘုရားအား ကိုး ကွယ်ရန် ကြေငြာသောတရားစကားဖြစ်သည်။ 

ထို့ကြောင့် သမ္မာကျမ်းစာကိုလေ့လာသောသူတိုင်းသည် မည်သည့်ဧဝံဂေလိတရားသည် မည်သူ့အတွက်ဖြစ်သည်ကို၎င်း၊ မည်သည့်အချိန်၌ဟောပြောရမည်ကို၎င်း သိနား လည်ထားရမည်။ ထိုသို့သိနားလည်လျှင်မှားယွင်းမှုနှင့် ကင်းလွတ်လိမ့်မည်။ 
၎င်းအပြင် တမန်တော်ရှင်ပေါလုက တခြားသော ဧဝံဂေလိတရားတစ်ပါးရှိသည်ဟုဆိုထားပြန်သည်။

ထို တရားသည် ရှင်ပေါလုခေတ်အခါတွင် သူဟောပြောသည့် တရားမဟုတ်ဘဲ၊ လှည့်ဖြားသောသူများဟောပြော သည့် တရားစကားဖြစ်ပြီး၊ နာခံမှုမရှိသည့် သူများ၏
တရားစကားလည်းဖြစ်သည်။ (ဂလာ ၁း၆-၁၂၊ ၂ကော ၁၁း၄) 
သူတို့က ယုံကြည်သည်သာမက၊ ပညတ်တရားကိုလည်း
ကျင့်ရမည်ဟု သွန်သင်သည်။ ထို့ကြောင့်တမန်တော်
ရှင်ပေါလုသည် ထိုသူတို့အားပြစ်တင်ရှုတ်ချလေသည်။ 
(ကော ၂း၂၀-၂၃၊ ဟေဗြဲ ၆း၁၊ ဂလာ ၁း၈-၉)